木玥巷 (已結業)

放工返到元朗屋企真系好攰呀，无心力再煮饭喇。见朗屏站附近开咗一间新嘅台湾菜，就一于试吓啦。未上菜先上咗前菜。呢个蜜糖芝麻合桃焗得好香口松脆，面头薄薄的一浸蜜糖令人更加开胃。💜麻辣鸭血一上枱就闻到好香嘅药材味，先饮一啖汤汁，很温和的辣味，少少麻，但不呛鼻。鸭血大大嚿有成五旧，而且qq有嚼劲，吸满了汤汁精华，咬落 好Juicy!💜台式炸物拼盘炸物有菇、四季豆、甜不辣同大大块鸡！最好食当然是个炸鸡块，个炸皮够薄，鸡肉更紧实锁住水分，口感柔嫩多汁！💜蟹肉金丝炒新竹米粉三道菜中最好食就系呢道。新竹米粉比较细身，炒得够干爽，但一点都不油腻，又唔会太干。蟹肉份量仲好多再仲加咗芽菜同瑶柱，炒到金金黄黄，好香口！💜芒果寒天多多夏天饮呢个最爽！芒果味够香浓，配合多多嘅酸甜味好消暑！寒天好Q弹，有咬口，为呢杯夏日特饮增添色彩！💜木玥黄金水果茶又系夏天消暑之选！酸甜嘅杂果非常消济解腻，仲有真材实料嘅水果粒可以当做饭后甜品，伟今日嘅晚餐左一个完美嘅总结。总结，食物质素高，环境舒服，价钱合理，会再次光顾！