良鮨壽司

营业中

休息中

今日同朋友一齐嚟到大埔食日本菜，我哋去咗广福道嘅良鮨寿司店。店入面环境干净卫生，佢有分坐bar 枱或者普通座位。我同朋友就拣咗吧台坐喇，因为可以睇到厨师为我哋准备食物。我哋点咗鮨寿司盛，唐扬鱿鱼须，日式煎饺子，鳗鱼牛油果卷，芝士蟹子军舰，厚烧芝士玉子，三文鱼刺身，油甘鱼刺身。1 鮨寿司盛～包含多款寿司，有三文鱼，金目鲷，缟池鱼，带子，蟹棒，玉子，海胆军舰，三文鱼子军舰，全部都系非常新鲜，美味。而我对金目鲷更系印象深刻，因为佢肥而不腻，非常鲜美。2 唐扬鱿鱼须～炸得很香口，非常适合佐酒，而且送到我哋面前觉得仲有少少烫咀呢。3 三文鱼刺身，油甘鱼刺身～呢2个刺身好新鲜，好鲜甜，好好食呀，而且系极厚切（我自己个人非常钟意喇！）食落口非常有满足感。4 厚烧芝士玉子～有淡淡嘅芝士味又唔会太漏。5 鳗鱼牛油果卷～牛油果系即切（因为我睇住厨师整），所以牛油果非常软熟，而且同鳗鱼都几搭配。6 日式煎饺子～呢款饺子个底煎得好香，而今落口啲饺子皮就系有少少软绵绵嘅感觉。呢个个馅有淡淡嘅猪肉味，适合唔系食得咁浓味嘅人。7 桃味梳打～因为唔饮酒嘅关系，叫咗呢款饮品，我觉得都桃味适中，唔会太甜。不过我就觉得一支