影片
更多
2021-02-07
2403 浏览
高质寿喜烧，满足到笑🥰——第一次系香港食高质嘅Sukiyaki，因为想试嗮A3/4/5，所以叫咗2个A3同A4 Set，再追加A5🤣追加嘅牛嘅分量系同Set入面嘅一样，冇记错嘅话系150g😆.A3黑毛和牛(赤身肉)寿喜烧Set ($429)A4黑毛和寿喜烧Set ($519)(追加) A5特产黑毛和牛 ($249).首先Set跟嘅前菜已经值得一赞。和牛他他细腻滑溜，牛肉鲜嫩可口，够嗮开胃😛.Sukiyaki方面，佢个汁唔错，甜而不腻。食牛肉𠮶阵，除咗就咁原味食个汁，或者沾蛋汁食，佢仲有三种唔同嘅调味粉可以落。个人觉得柚子𠮶只几特别，可以一试。但最钟意都系就咁沾蛋汁👍🏻.重点，和牛！A5睇落个色泽同油花已经好唔同，相信唔洗我讲就咁睇相都睇得出边碟系A5🤣油脂比较多，食起上黎明显比较腻，但就真系有种入口即融嘅感觉😍唔洗点样咀嚼咁啲油脂嘅香味已经充满口腔。觉得A4最啱我食，有多返啲肉，但脂肪仍然好足够，我系比较钟意肉同脂肪比例同分布平均啲👍🏻A3就牛味浓郁啲，最有咬口。.服务方面，全部嘢都系店员代劳，佢会问你想要嘅生熟程度，同埋suggest你食嘅方法。一开波佢会就咁煎，落少少寿喜烧汁，可以
——
第一次系香港食高质嘅Sukiyaki，因为想试嗮A3/4/5，所以叫咗2个A3同A4 Set，再追加A5🤣追加嘅牛嘅分量系同Set入面嘅一样，冇记错嘅话系150g😆
.
A3黑毛和牛(赤身肉)寿喜烧Set ($429)
A4黑毛和寿喜烧Set ($519)
(追加) A5特产黑毛和牛 ($249)
.
首先Set跟嘅前菜已经值得一赞。和牛他他细腻滑溜，牛肉鲜嫩可口，够嗮开胃😛
.
Sukiyaki方面，佢个汁唔错，甜而不腻。食牛肉𠮶阵，除咗就咁原味食个汁，或者沾蛋汁食，佢仲有三种唔同嘅调味粉可以落。个人觉得柚子𠮶只几特别，可以一试。但最钟意都系就咁沾蛋汁👍🏻
.
重点，和牛！A5睇落个色泽同油花已经好唔同，相信唔洗我讲就咁睇相都睇得出边碟系A5🤣油脂比较多，食起上黎明显比较腻，但就真系有种入口即融嘅感觉😍唔洗点样咀嚼咁啲油脂嘅香味已经充满口腔。觉得A4最啱我食，有多返啲肉，但脂肪仍然好足够，我系比较钟意肉同脂肪比例同分布平均啲👍🏻A3就牛味浓郁啲，最有咬口。
.
服务方面，全部嘢都系店员代劳，佢会问你想要嘅生熟程度，同埋suggest你食嘅方法。一开波佢会就咁煎，落少少寿喜烧汁，可以按返个人口味选择点蛋汁/调味。到最后三块和牛，店员首先加寿喜烧汁同加水煮啲配菜，然后系上面舖三块和牛，所以煮嘅同煎嘅都会食到☺️
.
我觉得成个用餐经验，除咗食材，第二重要嘅就系个店员😂希望你地会遇到个好嘅店员，专业，整得好食又有礼貌嘅店员！
——
📍SUKIYAKIYA
湾仔港湾道30号新鸿基中心2楼2A-1铺
.
张贴
