女鍋 @Freshlane

营业中

休息中

同事介绍呢间中菜外卖店，揿几个掣就有靓𩠌食，见价钱唔贵啲款又几吸引，就叫咗几份小菜试吓。香煎莲藕酿虾米鲮鱼肉饼 $48煎得好香口，莲藕爽脆，鲮鱼肉质弹牙；莲藕本身都几甜，加埋虾米嘅咸香，无论口感定味道都非常丰富。七彩腐皮卷 $28外层炸得够香脆，拎到返屋企都冇变腍，入面有粉丝、冬菇、云耳等材料，清新爽口。南乳花生炆猪手 $68南乳咸中带甜，有阵阵酒香，猪手炆得软腍入味，连啲花生都好好食，送饭一流。柱侯萝卜炆牛腩边 $68一打开就好香柱侯味，萝卜冇渣唔苦，又腍又多汁；牛腩边份量相当多，肥瘦适中，好重牛味。