影片
更多
3天前
0 浏览
又到咗令人期待嘅大闸蟹季节，最近留意到北角香港维港凯悦尚萃酒店嘅The Farmhouse，今次联乘米芝莲餐厅「湖滨28中餐厅」，推出咗以「味游·杭州」为题嘅自助晚餐。每位客人仲可以享用一只镇江姜醋蒸大闸蟹，作为重头戏，梗系要试啦！其实呢间餐厅我之前都嚟过几次，环境相当阔落，装潢简约时尚。如果有幸坐喺窗边位，仲可以一边对住海景一边享受美食，气氛绝对加分。今次主打杭州菜系列，作为自助餐形式，菜色选择相当丰富，但始终食得有限，所以我集中试咗啲有主题特色嘅菜式，分享下几款令人印象深刻嘅推介！-镇江姜醋蒸大闸蟹作为大闸蟹季节嘅明星菜式，呢只镇江姜醋蒸大闸蟹份量十足，蟹肉鲜甜，蟹膏更系细腻绵滑，入口即化，完美展现大闸蟹嘅极致鲜味。搭配镇江姜醋，既能提鲜又带出层次感，绝对值得一试！-二十年花雕酒蒸远海梭子蟹意料之外嘅惊喜！呢道菜摆喺角落头，外表睇落平凡，但其实系全场嘅隐藏之星。梭子蟹一上枱已经散发浓郁嘅花雕酒香，入口蟹肉鲜甜细腻，酒香与鲜味完美结合，酒味调得恰到好处，完全冇盖过蟹嘅原味，反而加强咗整体层次。蟹肉份量亦唔少，呢道菜绝对系我嘅最爱！-辣椒炒肉呢道菜辣味适中，对于平时喺谭仔只食到3小辣嘅
其实呢间餐厅我之前都嚟过几次，环境相当阔落，装潢简约时尚。如果有幸坐喺窗边位，仲可以一边对住海景一边享受美食，气氛绝对加分。
今次主打杭州菜系列，作为自助餐形式，菜色选择相当丰富，但始终食得有限，所以我集中试咗啲有主题特色嘅菜式，分享下几款令人印象深刻嘅推介！
-镇江姜醋蒸大闸蟹
作为大闸蟹季节嘅明星菜式，呢只镇江姜醋蒸大闸蟹份量十足，蟹肉鲜甜，蟹膏更系细腻绵滑，入口即化，完美展现大闸蟹嘅极致鲜味。搭配镇江姜醋，既能提鲜又带出层次感，绝对值得一试！
-二十年花雕酒蒸远海梭子蟹
意料之外嘅惊喜！呢道菜摆喺角落头，外表睇落平凡，但其实系全场嘅隐藏之星。梭子蟹一上枱已经散发浓郁嘅花雕酒香，入口蟹肉鲜甜细腻，酒香与鲜味完美结合，酒味调得恰到好处，完全冇盖过蟹嘅原味，反而加强咗整体层次。蟹肉份量亦唔少，呢道菜绝对系我嘅最爱！
-辣椒炒肉
呢道菜辣味适中，对于平时喺谭仔只食到3小辣嘅我嚟讲，辣度刚刚好，唔会抢走炒肉嘅香味。炒肉嫩滑，带少少椒香，系一道简单但令人满意嘅菜式。
-龙井虾仁
龙井虾仁系杭州菜嘅经典代表之一，呢度嘅表现绝对称职。虾肉鲜嫩弹牙，茶香细腻清新，与虾嘅鲜味融合得恰到好处，口感与味道都非常出色！
-东坡肉
东坡肉系杭州菜中唔可或缺嘅经典。呢度嘅东坡肉煮得非常入味，肥瘦分布均匀，肉质软嫩，入口即化，酱汁浓郁香甜但唔会过腻，令人一试难忘。
甜品&特式雪糕
甜品区亦系值得一赞，有多款特色甜品，仲有市面比较少见嘅雪糕口味，例如班兰味雪糕，味道清新独特，未试过嘅朋友一定要趁机会一试！
镇江姜醋蒸大闸蟹
0 浏览
0 赞好
0 留言
张贴
