Oslo (已結業)

九龙城充斥住大量非连锁嘅餐厅食肆, 因为非连锁嘅关系所以提供嘅食物都比较其他区都有所不同, 之前都有提到, 九龙城最多系泰国菜餐厅, 但小品咖啡店都不在少数, 而今次光顾呢间餐厅就要大力推荐了, OSLO Cafe呢间餐厅午市价钱十分实惠, 全部划一58蚊免加一, 当然餐牌上嘅食物好似都好平常, 但佢地处理食物嘅手法同带出嘅味道就真系值得一赞呢个系是日餐汤, 系忌廉汤, 感觉不似罐头汤, 口感浓厚,颇甜, 有蘑菇粟米, 如果再送多士点黎食更好, 不过佢冇香草忌廉烟肉意粉, 意粉同烟肉份量颇多, 烟肉煎至微黄, 食落有烟熏香, 连住油脂部位感觉香口, 意粉就煮得爽口(al dente), 不过就会见到唔系好吸汁挂汁, 但好处系食落唔滞冻薄荷朱古力咖啡, 因为套餐配饮品系包40蚊内, 所以系唔洗加钱嘅, 味道就比连锁咖啡店重咖啡味, 会有raw 嘅口感同微苦嘅感觉响喉咙度, 薄荷响口腔味蕾前就挥发尽了, 朱古力就好似底味咁衬托住薄荷同咖啡, 本人就好中意饮, 但甜度比较高, 建议叫少甜埋单58蚊, 食完果时1点已经多人到不得了, 所以都侧面证明呢间餐厅系好野黎嘅希望迟d 可以encore