L Kitchen

营业中

休息中

虽然位置唔起眼，但性价比高，食物质素高，服务一流。之前食过一次，今次再黎天一商场，即刻谂起呢间。寿喜烧乌冬浓郁，牛肉份量足料。鸡肉蕃茄扁意粉，本身微辣，但可以拣走辣/加辣，今次加咗辣。都好多鸡肉，唔系碎湿湿嘅肉。慢煮鸡胸嫩滑，一啲都唔鞋口。餐汤系蕃茄甘笋汤，食到啲甘笋蓉同蕃茄蓉，唔系罐头开出嚟。职员非常贴心，落单前会清晰复单，上菜时会提醒小心热，我食蕃茄意粉，佢见我著白色衫会问我使唔使俾张纸巾我围住，惊啲汁弹污糟件衫。我坐系风口位，同男朋友换位坐，然后佢见到即刻问系咪觉得冻，使唔使较细啲冷气。呢啲系小店先会有。