影片
更多
2023-03-24
109 浏览
今个月到男朋友生日，到我去发掘好野同佢庆祝喇🤭 Fine Dining就见得多，炭火Dining你见过未呢😆 最近留意到一间高级日本餐厅，主厨系日本京都人——细师傅，保证食到正宗日本菜🇯🇵 师傅以时令矜贵食材入馔，将日本文化融入食材中，再以精美摆盘呈现，体验到师傅既用心同精湛厨艺！食物咁高水准，环境﹑服务又好，呢餐绝对物超所值🥹餐厅行日式装潢风格，雅致舒适，天花设计成日式屋簷🏠 别具特色。系咁靓既环境下用餐，仿如置身于日本居酒屋咁正~ 最钟意开放式吧枱，每位客人都可以坐系吧枱同店员交流~ 当中有D和食比较特别，向店员提问佢地都会细心解答，又会介绍下有咩时令串烧/食材，感受到店员既热情同用心🫶🏻 坐系吧枱到不时听到师傅炭烧时发出既滋滋声，香气逼人，十分期待食物上菜既一刻~「炎」既食物种类几多元化👍🏻 除左有招牌炭火串烧，仲有精致和食﹑佐酒小食等。酒类方面，由啤酒﹑梅酒﹑清酒至红白酒都有🍷 串烧可以单点或拣omakase set，选择都几丰富：鸡﹑牛﹑羊﹑海鲜﹑野菜都有，连特别部位提灯都有~ 价钱都系几十蚊一串，CP值极高✅ 而Omakase有两个价位：$888同$1,188。前者以串烧为
餐厅行日式装潢风格，雅致舒适，天花设计成日式屋簷🏠 别具特色。系咁靓既环境下用餐，仿如置身于日本居酒屋咁正~ 最钟意开放式吧枱，每位客人都可以坐系吧枱同店员交流~ 当中有D和食比较特别，向店员提问佢地都会细心解答，又会介绍下有咩时令串烧/食材，感受到店员既热情同用心🫶🏻 坐系吧枱到不时听到师傅炭烧时发出既滋滋声，香气逼人，十分期待食物上菜既一刻~
「炎」既食物种类几多元化👍🏻 除左有招牌炭火串烧，仲有精致和食﹑佐酒小食等。酒类方面，由啤酒﹑梅酒﹑清酒至红白酒都有🍷 串烧可以单点或拣omakase set，选择都几丰富：鸡﹑牛﹑羊﹑海鲜﹑野菜都有，连特别部位提灯都有~ 价钱都系几十蚊一串，CP值极高✅ 而Omakase有两个价位：$888同$1,188。前者以串烧为主，而后者以和食为主，串烧为副。
今次拣左$1,188「炎」𝐎𝐦𝐚𝐤𝐚𝐬𝐞套餐，需要提早3日预约喔~ 用餐时间大约2.5小时⏱
♢ 🌸𝑨𝒑𝒑𝒆𝒕𝒊𝒛𝒆𝒓 | 前菜盛合
摆盘非常精致，虽然每件睇落好迷你，但系绝不马虎😯
➊ 小贝柱 ‧ 新鲜嫩滑，加左海胆酱调味，鲜味十足。
➋ 帆立贝 ‧ 汁烧帆立贝啖啖肉，非常入味。
➌ 白虾牛蒡糕 ‧ 呢个几特别，牛蒡糕口感爽滑，配上白虾带有软绵绵口感。
➍ 萤光鱿鱼 ‧ 季节限定，萤光鱿鱼当造期短，不时不食~ 口感爽脆鲜甜，加左海胆酱调味。
➎ 𩽾𩾌鱼肝 ‧ 整成粒粒形状，每啖都系嘴内溶化~ 加左柚子去渍过，油腻中带点清新口感。
➏ 自家制蕃茄冻汤 ‧ 蕃茄仔好鲜甜，汤头清淡，适合清一清味蕾。
♢ 🥣𝑺𝒐𝒖𝒑 | 碗物
立鱼汤 ‧ 汤头非常清彻，加左洋葱同蔬菜，入口鲜甜。师傅好有心思🥹 加左块日本三色鱼旦，爽弹又有层次感~ 原来3月3日系女儿节(雏祭り)，日本人会食菱饼，三色分别用左樱花虾﹑紫菜同鸡蛋，好有特色。
♢ 🎣𝑺𝒂𝒔𝒉𝒊𝒎𝒊 | 刺身
虽然刺身唔系餐厅主打菜式，但系件件都好新鲜，颇有水准！
➊ 中拖罗 ‧ 入口油香甘润，长度有成7-8cm，好厚切！
➋ 白子 ‧ 冬天盛产肥美白子，入口即溶，鲜味十足。
➌ 鲭鱼 ‧ 3大片厚切鲭鱼，油脂丰富，口感细腻。
➍ 立鱼 ‧ 爽口烟韧，有咬口。
➎ 牡丹虾 ‧ 虾肉超肥美，入口甘甜浓郁，好有弹性。
♢ 🔥𝑺𝒌𝒆𝒘𝒆𝒓𝒔 | 串烧五本
➊ 鸡肩肉
鸡肩肉系稀少部位，每只鸡只有几十gram。同滑嫩既鸡腿肉口感唔一样，鸡肩入口爽弹，鸡皮烧得焦香，洒上柚子胡椒盐提味，啖啖肉好滋味！
➋ 鸡肠
店员介绍鸡肠系最吸炭火味既串烧之一，果然够香口！鸡肠脆嫩鲜美，唔会有腥味。除左吸尽炭火香味之外，仲沾满餐厅秘制酱汁，超正！
➌ 鸡心元
鸡既心脏前血管，超刁钻部位，呢度都食到！大概要用6只鸡先够串成一串，好矜贵~ 鸡心元口感弹牙，带有咀嚼感。
➍ 青提豚肉卷
平时多数系荔枝豚肉卷，呢度就用左日本青提，比较有特色~ 青提清甜得黎又唔会功高盖主，保持豚肉香浓肉味，肉嫩多汁，同时减少豚肉既油腻感。店员贴心咁提我地摊冻少少先食，以免青提爆汁会烫口~
➎ 免治鸭肉
免治鸡肉棒就见得多，呢度用鸭肉都系第一次试！同鸡肉相比，鸭肉棒少左软骨口感，所以每啖都系软腍腍既鸭肉，烧得焦香，非常滋味~ 而鸡蛋黄加左truffle oil，蘸上酱汁口感更顺滑。
♢ 🦀𝑭𝒓𝒊𝒆𝒅 𝑰𝒕𝒆𝒎𝒔 | 油物
芝士蟹肉松叶蟹盖 ‧ 原只蟹盖上菜，卖相好吸睛，令人胃口大增🤤 蟹肉够哂长，微微灸烧过后带有焦香，保持肉质鲜甜。而蟹盖内装满蟹膏﹑蟹肉﹑芝士，质地浓稠，好「芝」味呀🧀
♢ 👨🏻🍳𝑺𝒑𝒆𝒄𝒊𝒂𝒍 𝑰𝒕𝒆𝒎 | 特别菜式
柚子汁煮豚肉&白牛舌 ‧ 当日师傅额外送多个菜式比我地食🥹 日本豚肉肥瘦相间，肉质特别松化。而白牛舌同深色牛肉相比会无咁重牛肉味，主要系食丰富油脂口感。
♢ 💐𝑺𝒕𝒆𝒂𝒎𝒆𝒅 𝑫𝒊𝒔𝒉 | 蒸物
百合根煮 ‧ 地道京都菜式，日本人喜爱将根部加入传统料理中，例如百合根﹑蕃薯根等。百合根我都系第一次试~ 熬制后软糯绵密，口感似食薯蓉咁。外层用樱花叶包住，散发芳香。而入面会包左时令海鲜，今次系鲍鱼同鲷鱼，煮得软腍，同时充满百合香气。
♢ 🍙𝑴𝒂𝒊𝒏 𝑫𝒊𝒔𝒉 | 食事
鲍鱼糯米饭团 ‧ 食到呢度已经差唔多饱，师傅送上一客迷你饭。巨型鲍鱼十分吸引，嫩滑爽弹，好有咀嚼感。糯米饭更加不得了~ 口感软糯，每粒饭都沾满秘制酱汁，好香口！伴菜有青瓜﹑甘荀﹑日本白萝卜，适合清一清味蕾。
♢ 🧁𝑫𝒆𝒔𝒔𝒆𝒓𝒕 | 甘味
Omakase上既最后一道菜，同样有惊喜！甜品拼盘由右边开始食起：
➊ 西瓜布甸 ‧ 西瓜几香甜，味道清新。
➋ 糯米红豆 ‧ 外层包左樱花叶，增添香气。糯米口感软绵绵，入面好多红豆粒粒。红豆系餐厅自己熬制，无罐头红豆咁甜。
➌ 栗子黑豆brownie ‧ 味道最甜，所以最后先食。Brownie口感扎实，加左黑豆带有粒粒口感，感觉无咁滞。
呢个Omakase set每道菜都系心思之作，$1,188食到咁多野真心好值得😍!! 日本师傅既匠心和食﹑炭火即烤既串烧﹑雅致舒适既环境﹑热情好客既店员，呢餐简直无可挑剔~ 真系要比满分💯 一定会再黎encore～下次想试多D唔同既串烧款式先😆
张贴
