泰然 (順利商場)

营业中

休息中

前排跟一个朋友喺顺利邨体育馆学打golf，打完已经好饿，梗系要喺openrice揾下附近有咩好食啦。我地最后决定试呢间新开嘅泰国菜「泰然」，整体体验良好，向大家推荐。餐厅喺顺利邨商场平台，距离体育馆好近。餐厅系新装修嘅，所以都好企理干净。店员服务态度都唔错。呢度主打泰国菜，作为一间屋邨餐厅，定价当然唔会太进取啦。当晚我地就食呢个几抵食嘅二人餐。以下系我地点左嘅食物：青咖哩牛肋骨：碟头好大盘，卖相吸引，而且热辣辣。青咖哩好香，牛肉牛味十足，兼且肉唔会硬，正！招牌月亮虾饼：两人份都有好多件，每件都煎得几香。值得一赞系啲虾滑几弹牙，好味！招牌蟹肉炒饭：好大碟好香，而且炒得唔会太油或太咸。蟹肉都唔少，系颇高质嘅泰式炒饭！饮品：火龙果芝士特饮卖相唔错，我果杯特饮唔会太甜。