麻神麻辣火鍋 (已結業)

一行七人新年前终于约齐人，行左大半日街，终于坐底可以食野!之前见新闻有讲过呢间麻神，既然行开铜锣湾就成班食啦!最钟意打边炉，因为大家可以叫自己想食嘅!~睇完个餐牌，心大心细，样样想食~谂左好耐，我地叫左鸳鸯锅，因为有人食辣，有人顶唔顺太辣，见到麻辣都惊惊地，所以叫鸳鸯最稳阵!食物我地都真系叫左超多，一上台都吓左跳，爆多肉又多丸!包括牛颈脊、牛胸爽、蔬菜拼盘、菇盘、丸子盘、响铃、黑毛猪肉、牛丸、虾丸、鸭血、排骨酥、蜂巢冰豆腐、台湾面等。夸张到，连个度的服务生都吓一吓!第一次食蜂巢冰豆腐，估唔到咁特别，佢索哂D汁，超好味，而且佢唔系睇落咁，系松身又口感。另外推介个牛胸爽，牛味较浓，入口爽滑，识食一定要食呢个!仲有个果冻鸭血，未试过咁特别，鲜嫩入味，口感滑溜好Q，真系似食果冻。呢度连菜款式都特别多可以拣，又有蔬菜拼盘，又有水莲菜，喜欢打边炉的话呢度真系唔错!几岩大班人黎，可以一次过食多种款式!最后埋单，先知原来7:30前系有75折，估唔到食左咁多野，都好抵~~~