紅橋 (已結業)

午市1点左右到，好多人拎飞等位，因为食物多款之外，价钱唔贵大约$58-63，就可以食到一个lunch，有汤有饮品添。lunch menu大概2日会转一转，有心思。而且坐得舒服，唔逼。叫左蜜椒猪扒伴蛋包饭($58)，意式茄茸牛肉丸烩意粉($58)。餐汤可以拣中/西汤，粟米蘑菇汤望落好似平平无奇，但其实非常多料。每啖都食到满满既粟米、蘑菇片，而且煮得好稠。尼个餐好样食，一样都系$58，就有一大块厚身猪扒，而且蛋包饭整得亦唔马虎。猪扒肉嫩，而且蜜糖汁仲有系个面到，可以边切边醮。蛋包饭整得好结实，唔会一切就散哂个外型。望落可能以为得个碟大，但食食下就会发现，有好多意粉、露荀，系好大份量。蕃茄打成茸，仲有d蕃茄肉，拌匀意粉，所以蕃茄味超级浓，酸中带少少甜。牛肉丸大约有7粒，香口juicy，唔会腻。整体，无论男女食，一定好饱。另外，上菜速度快，所以唔驶等好耐。而且好有心机，lunch menu会转换，咁就唔怕食极都系个几款。环境服务唔错。