大瀛喜日本料理 (已結業)

今日行过旺角又心郁郁想食返餐放题，就拣左大瀛喜。食过几次都依然保持到水准。Menu同大部分放题一样，分开好多张纸唔同类型，佢既选择都几多，就算一大班人口味唔同都无有怕。落单后上菜既速度好快，讲紧都系几分钟既事。同其他放题一样都系会上刺身，我同朋友就拣左三文鱼，鲜贝，饱片，北寄贝同虾。全部都几新鲜，食落都算鲜甜。之后串烧类都几好，食落香口。由其是鸡软骨，有咬口之余仲有小小盐香，好正。手卷细细个，岩哂想试好多类型但又唔食得多既你。今次食左海胆同拖罗，两样都几好食，可以一试。小食类表现都有惊喜，一口牛，芝士虾，吉烈蚝等等都几ok。个蚝虽然炸粉多左少少，不过食落都香脆，不过不失。一口牛味道就甜左少少，唔太岩个人口味，但朋友就话都觉得几好食。出面有个甜品柜，有几款细细件既甜品任你拣。隔离就系饮品柜，有汽水，茶，罐装饮品等等。最后仲有雪条同糯米糍任你拎，绝对满足到中意甜品既你。