浪人日本料理 (已結業)

以前食开放题，唔知点解一定系去大喜x，大满x，价钱唔平又越来越难食。估唔倒今次试食都几有惊喜。首先呢间餐厅环境好好，成个感觉好干净，服务都唔错。三百几一人，又无话贵好多。佢有刺身bar同串烧预先俾人攞，刺身真系新鲜，甜虾同带子正到爆，三文鱼就正常好食，放题黎讲真系好抵食。啲料理仔都好有惊喜。后尾要落单既我地嗌左好几样热食，逐样讲下先:清酒煮蚬: 唔好意思，难食。无清酒香，得滚水味，蚬又好腥。芝麻鸡翼: 入面已腌，但出面又有调味，有啲咸得制，不过几好味既。鱿鱼圈: 不过不失，唔错。天妇罗虾: 劲高质，好好味。虾肉好嫩，炸得好好。炒乌冬:淡，不过味系唔错。金菇炒牛肉: 高过放题水准，几好。如果食放题，就唔会再去大x屋，大满x啦，呢间差不多价钱得黎又好味好多，不过再好味啲就好啦。