影片
更多
2021-01-26
667 浏览
想食日本嘢🎌，我第一时间就会谂起尖沙咀棉登径，因为成条街有九成食店都系主打日式菜，包括丼饭、居酒屋同烧烤等。呢日就拣选咗「岚桥日本料理」，因为见午市套餐好似唔错😚。餐厅地下𠮶层已经满座，店员就带我哋上一楼，仲话环境更加舒服。佢又无讲错㖞，一楼座位阔落，而且带份宁静清幽嘅气氛😌，绝对适合放松心情，享受食物。岚桥午市套餐有21款选择，数数手指发现即系几乎用哂26个英文字母🤣。定价由$128至$198不等，刺身鱼生类同熟食类都有。网烧安格斯肉眼扒配白饭($158)，套餐卖相非常吸引兼且好丰富，因为包主食、白饭、沙律、味噌汤、前菜同茶碗蒸，系好完整嘅一个套餐🍱。主食以外嘅项目全部都几好，蒸蛋热辣辣、好够味🥚，而前菜就系胡麻豆腐。网烧安格斯肉眼扒劲好食🥩，佢件扒超大块，能够切成十件，仲要系厚切。再者，厨师嘅烧牛扒技术高，出品完全能做到我哋要求嘅七成熟，肉身呈粉红色，并能锁住肉汁，不得了😋。日式料理嘅牛扒比扒房嘅扒更出色，实在难得！另外，牛扒仲搭配咗干蒜片同青葱，夹埋食更香。银鳕鱼西京烧配白饭($168)，呢个套餐同样包齐上述前菜小食。烧银鳕鱼有两件，餐厅出手唔孤寒。呢度嘅西京烧汁同平日唔同，因为
想食日本嘢🎌，我第一时间就会谂起尖沙咀棉登径，因为成条街有九成食店都系主打日式菜，包括丼饭、居酒屋同烧烤等。呢日就拣选咗「岚桥日本料理」，因为见午市套餐好似唔错😚。
餐厅地下𠮶层已经满座，店员就带我哋上一楼，仲话环境更加舒服。佢又无讲错㖞，一楼座位阔落，而且带份宁静清幽嘅气氛😌，绝对适合放松心情，享受食物。
岚桥午市套餐有21款选择[A-U餐]，数数手指发现即系几乎用哂26个英文字母🤣。定价由$128至$198不等，刺身鱼生类同熟食类都有。
网烧安格斯肉眼扒配白饭
$158
15 浏览
0 赞好
0 留言
主食以外嘅项目全部都几好，蒸蛋热辣辣、好够味🥚，而前菜就系胡麻豆腐。
网烧安格斯肉眼扒劲好食🥩，佢件扒超大块，能够切成十件，仲要系厚切。再者，厨师嘅烧牛扒技术高，出品完全能做到我哋要求嘅七成熟，肉身呈粉红色，并能锁住肉汁，不得了😋。日式料理嘅牛扒比扒房嘅扒更出色，实在难得！另外，牛扒仲搭配咗干蒜片同青葱，夹埋食更香。
银鳕鱼西京烧配白饭
$168
16 浏览
0 赞好
0 留言
烧好嘅银鳕鱼外皮金黄微脆，肉质嫩滑🐟，但同时亦唔松散，配白饭食好夹🍚。餐厅将呢度日本家常小菜煮得好好，比人一种实而不华嘅满足感。
食完咸食，最后就嚟一份甜品，餐厅送上雪糕，而唔系雪米糍，感觉有诚意好多🍨。我哋分别要咗绿茶同豆腐味，两款都唔错。
总括嚟讲，我哋都好满意喺岚桥食嘅高质日式午市套餐，价钱唔算平，但我认为系对得住个价㗎👍。最后，店员服务亦都好好，非常有礼貌，而且仲会不断留意我哋使咪加茶。
张贴
