花居酒屋 (已結業)

约咗朋友去荃湾呢间日式餐厅试试，内里装修有日式居酒屋感觉。-▪️黑松露刺身沙律呢个CP值好高！必点！有三款刺身同脆卜卜嘅三文鱼籽，加埋特调嘅沙律酱非常开胃！带子好鲜甜，三文鱼色泽唔错，口感肥美，油甘鱼口感细致甘甜。▪️烧鸡泡鱼干鸡泡鱼干烧至金黄色，口感香脆，油脂清香。▪️盐烧黑豚腩肉质腍滑松软，肉味香浓。▪️火灸三文鱼腩寿司灸烧过嘅三文鱼腩油脂更加突出，非常肥美。▪️软壳蟹牛油果卷一共有六件卷物，CP值高！ 牛油果熟度刚好，口感好smooth，软壳蟹炸得非常脆身香口，口感层次丰富！▪️鱿鱼唐扬炸粉刚刚好，鱿鱼好有嚼劲又有鲜味！▪️碎葱吞拿鱼腩呑拿鱼腩油脂香溢，口感幼滑软绵。▪️蟹肉蟹膏军舰蟹肉蟹膏份量好多好澎湃，蟹膏甘香口感幼细，蟹肉好鲜美！▪️蒜蓉安格斯西冷扒除左日本野出色，烧西冷扒都好有惊喜！牛扒熟度刚好！加埋炸蒜片，整体滋味提升！-整体食物高质，价钱CP值高，值得再黎！