大滿喜日本料理 (已結業)

行完个APM，有D肚饿，想食放题，但系APM冇，所以就行左去隔离个OPC一亚太中心,睇完楼下个水牌,一眼就见到10楼嘅大满喜,于是就上左去。上次第一个叫嘅当然就系个刺身拼盘啦，大件唔在话啦，仲要件件都好新鲜，食完睇返张相都流晒口水。我画左手卷，心谂好似唔应该叫，因为去食放题，点会咁快就食地咁多饭又大件嘅野食啊，但黎到先发觉，原来系迷你型，两三啖就可以食晒。唔会影响到我继续食到尽嘅风格。跟住烧鳗鱼嘅松化，又带有极丰富嘅鱼油。 黄金烧帆立贝，面个浸烧到焦黄焦黄咁，真系既香口又甜蜜。烧羊架，至爱就系烧到边位焦焦地，咁就可以锁紧羊肉嘅水份，保持住羊肉嘅肥美。香喷喷热辣辣的芝士焗开边虾 食到饱一饱，原本谂住可能食唔到美味嘅甜品了，但原来仲食到㗎。 总结以上食品全部都系新鲜，大份夹抵食，服务卫生又一流，坐位宽趟又有靓景，值得推介俾大家。