圓山飯店 (裝修中)

朋友成日话尖咀有间好正既台湾菜，老字号一定要去试下。今日终于有机会，但原来已经改左名系圆山饭店，好彩地址冇变，终于可以慕名而来。佢地个门口系正大街，真系好易揾。上到去原来都几大，好啱大班朋友一齐去食。坐底侍应劲有礼貌，仲介绍好多好𩠌比我地。前菜推荐左呢个皮蛋肉松豆腐。豆腐切得好靓，皮蛋系超糖心，三样夹埋一齐食一啲都唔漏，而且味道仲好夹，咁样食法真系好得意。然后系煎蚝饼，佢唔系一般既蚝饼，佢用既蚝真系好大只，而且仲炸过，所以特别爽口同冇咁水，蛋身都好厚，但中间仲keep到个层啫喱，好犀利。避风塘炒蟹，真系好耐冇食过咁好肉地既避风塘炒蟹，超足料，食到完全停唔到。睇落普通既回锅肉，但侍应却好推介，佢既辣叫人食得几刺激，但又唔会好呛，真系好够火喉。之后甜品叫左豆腐花，姜汁汤圆，同枣溶糕。都系传统甜品，冇谂到佢都做得好有水准。甜而不腻，食完真系好舒服，超满足。