象泰 (已結業)

今日去左屯门的朋友屋企玩，佢话俾我哋知附近有个翻新嘅商场入边有好多食肆，咁我哋就决定揾吓有咩好嘢食先。一去到商场就好似food court咁，有好多唔同嘅选择，正当我地返紧食咩嘅时候，行到最尾就见到有间装修都几精致嘅泰国餐厅，叫做“象泰”，咁就试呢间啦。我哋两个人叫咗三道菜式。泰式生虾生虾系必食嘅泰国菜，一只一个杯装住几特别。有两款泰式酱汁，生虾非常新鲜又大只，啖啖肉。原只椰青海鲜焗饭一嚟到已经闻到有好香浓嘅椰浆味，而且有好多海鲜，有虾，蚬肉，青口，仲有鱿鱼。海鲜唔止面头有，食到中间仲有蚬肉同鱿鱼，非常足料。焗黄咖喱面包软壳蟹软壳蟹即叫即炸，非常香口，面包非常软熟。黄咖喱除咗点印度薄饼好味之外，点面包都非常美味。百香芒芒估唔到泰国餐厅都追得上潮流，推出左芝士系列嘅饮品，即刻点返杯百香芒芒先。芝士有咸香味，而且芒果好甜，有果肉，非常惊喜。