芭堤雅泰國餐館

营业中

休息中

元朗新开高质泰菜环境干净，感觉好清新，似Cafe嘅装修，一入到餐厅已觉得好舒服。食物整体嚟讲都做得好有心机，不单止好味，连买相都冇得弹。我们叫左两个午餐，加一个冬阴功汤，两份小食，两杯特饮，基本上冇一样嘢系唔啱口味。而且价钱唔算好贵，人均$200都唔使。先讲饮品，甜度适中，卖相亦都媲美Cafe，打卡一流。肉碎猪颈肉饭，果然系招牌，猪颈肉淋身，肉碎微微香辣，米饭充满油香。咖喱牛腩配薄饼，大部份都系牛筋，我的最爱，椰香味好重，唔会好辣，点薄饼啱晒。午餐仲另外会有埋胡椒汤同埋青瓜，真系好丰富。午餐仲可以另加小食，我哋叫咗通菜同埋泰式虾饼。通菜好大碟，唔会好油死咸。而虾饼啱啱炸起，热辣辣非常脆口。冬阴功汤，酸酸辣辣，里面有三只大虾同埋好多蘑菇，抵食又正宗。屋企人都好享受呢一餐。