スーパー丼 (駱克道) (已結業)

今日同朋友倾完一啲合作上面嘅关系谂住喺附近度食下嘢，突然之间佢提出咗话想食日本野，咁啱呢度有近地铁站我哋就坐咗喺呢一间餐厅度食！一间餐厅装修都几豪华！都好有日本和风风格、日头行入去嘅时候都觉得餐厅光线非常足够！再加上周边嘅环境都好华丽！今次我同朋友想食多啲海鲜刺身，我哋就叫咗个超级海鲜丼！入面除咗有带子，三文鱼，三文鱼子，海胆估唔到仲有拖罗，同埋吞拿鱼，油甘鱼！唔怪得知叫超级海鲜丼啦真系好齐啲刺身款式！仲有件件刺身都非常新鲜同鲜甜，配上丼饭真系好满足！估唔到原来呢间餐厅加廿蚊仲可以多个汤，同埋沙律真系非常抵食！之后我自己再叫咗个香煎鹅肝薄切牛扒丼饭！鹅肝食落去非常鲜或入口即溶唔需要酱汁都可以好好食！牛扒亦都非常薄身食落去口感非常舒适！再加上原只日本蛋放落去丼饭混合埋一齐更加香浓先画香甜！最后我哋再叫咗个和风豆腐沙律，呢个沙律配上芝麻酱汁食落去非常鲜香！唔同嘅蔬菜配衬出唔同嘅味道！呢一餐真系非常满足亦都够饱！真系几抵食同埋分量都几大件！