財記海鮮火鍋活魚刺身

营业中

休息中

又一旧同事饭聚，有人介绍食呢间刺身+火锅店，一听个名财记以为普通打冷店咁上下，但唔好讲笑，真系几掂。两碟小吃椒盐豆腐炸鱼片头都炸到好脆口。以上5 款系我地叫的刺身，有象拔蚌，𫠒鱼，虾，海胆，生蚝，几款都好好食。象拔蚌、生虾好鲜甜爽口，𫠒鱼都好鲜甜，生蚝都好唔错。我个人不是十分好海胆的，但食呢碟都比我一个好唔错的印象。总之，黎呢间一定要食海鲜。之后我地叫左锅清酒煮阿拉斯加蟹。姐姐先在烧香锅入面的葱，西芹等再加入清酒同蟹煮，几分钟后食伯。呢碟系我认为今晚最好食的，清酒好能够带出蟹的鲜甜，比平时酒店自助餐的冻蟹脚好食好多，今晚我食左好多只脚。盐烧鲍鱼, 呢碟又系好食，外面焦香，里面爽口汤底有猪肚鸡汤，鸡让入猪肚内煮，有点似曾相识，可以看看我另一篇《高质边炉》。汤底好好饮，佢系预你先饮为敬的，饮完再火锅。火锅配料有手切牛肉，海虾与蛏子皇，海斑等，海虾上枱时仲郁的。整体都好唔错，呢间都唔平，但呢个价钱有呢个质素系值既，有机会再覆桌。