影片
更多
2010-01-06
276 浏览
师傅一向都觉得好野不妨一试再试, 所以好多食店都会去完再去; 就好似呢间食店, 自从师傅试过一次后, 真系一试难忘, 加上印象甚好, 所以一定会再黎, 问题只不过系几时咁解啫! 好耐之前同培哥输赌餐饭, 讲明边个输就要请对方食海鲜, 师傅有幸输了, 所以就索性叫培哥同埋太座一齐黎呢度食番餐!人数唔多, 得三条友但稳阵起见都系订左枱先; 准时去到, 当然第一时间出去睇下有咩好食啦,呢度嘅海鲜选择真系颇多, 各式其式应有尽有; 睇左一轮后, 最后拣左六款海鲜, 再加个菜同米粉; 六款海鲜分别有豉油王煎虾, 豉椒炒圣子, 油盐水花甲, 椒盐赖尿虾, 果皮蒸鲍鱼同蒜蓉粉丝蒸蚌; 六款海鲜师傅有试过亦有未试过!率先登场嘅系豉油王煎虾, 豉油王煎虾有六只, 先品尝下个豉油, 豉油味道唔会过浓亦唔会太咸, 味道洽到好处, 净系啜个壳都够栈鬼啦, 加上虾身唔细, 咬落去发觉肉身新鲜爽口, 而外面嘅豉油就有少少浸入肉身, 令到虾有少少豉油味但亦冇掩盖到虾嘅鲜味, 一绝; 豉椒炒圣子就继续维持一贯高水准, 豉椒炒得香口, 十分惹味, 而圣子鲜甜, 炒嘅火喉同时间一流, 令圣子唔会又老又韧, 反而肉身爽口非
人数唔多, 得三条友但稳阵起见都系订左枱先; 准时去到, 当然第一时间出去睇下有咩好食啦,呢度嘅海鲜选择真系颇多, 各式其式应有尽有; 睇左一轮后, 最后拣左六款海鲜, 再加个菜同米粉; 六款海鲜分别有豉油王煎虾, 豉椒炒圣子, 油盐水花甲, 椒盐赖尿虾, 果皮蒸鲍鱼同蒜蓉粉丝蒸蚌; 六款海鲜师傅有试过亦有未试过!
率先登场嘅系豉油王煎虾, 豉油王煎虾有六只, 先品尝下个豉油, 豉油味道唔会过浓亦唔会太咸, 味道洽到好处, 净系啜个壳都够栈鬼啦, 加上虾身唔细, 咬落去发觉肉身新鲜爽口, 而外面嘅豉油就有少少浸入肉身, 令到虾有少少豉油味但亦冇掩盖到虾嘅鲜味, 一绝; 豉椒炒圣子就继续维持一贯高水准, 豉椒炒得香口, 十分惹味, 而圣子鲜甜, 炒嘅火喉同时间一流, 令圣子唔会又老又韧, 反而肉身爽口非常, 真系掂呀; 油盐水花甲就普通d, 皆因之前两样都比较浓味, 而油盐水相对淡口少少, 变得清淡, 但清淡不等如唔好味, 原因系花甲本身都好大只, 而且肉身爽口鲜甜, 最重要系冇沙, 唔会食到依牙松钢, 不错!
椒盐赖尿虾有两只, 赖尿虾本身好大只, 正因为大所以先见食, 赖尿虾肉身鲜甜, 咬口一流, 加上椒盐冇掩盖到赖尿虾本身嘅鲜甜, 呢下已经出位, 再讲椒盐味道甚佳, 香辣惹味, 味道讨好; 如果要师傅挑下骨头就只系觉得比较油, 但椒盐本来就是这样, 亦等如交税一样, 无可避免; 果皮蒸鲍鱼又系一必食嘅菜式, 鲍鱼本身好大只, 果皮够香又冇对鲍鱼蒸得过火, 令到鲍鱼肉身松软, 一d都唔韧, 有果皮味同鲍鱼味, 劲正; 蒜蓉粉丝蒸蚌都几大只, 蒜蓉味唔算特别浓味, 同一般食店比呢个蒜蓉可以话淡口, 不过淡口无非想带出蚌嘅鲜甜, 而蚌亦冇蒸得过火, 唔会韧, 几好! 至于菜同米粉嘅味道已经唔重要, 皆因作用都系点缀下架啫!
总括黎讲食物质素非常出色, 海鲜真系好掂, 而环境都可以, 服务都系一般啦, 价钱唔贵, 三个人埋单唔使九旧水, 海鲜餐㖞, 仲要系高质海鲜餐, 抵食啦; 师傅对呢间食店真系有相当高嘅评价, 而用黎作为第七百篇食评就更有意义, 肯定仲有下次, 笑脸点到师傅唔比!
张贴
