德家日式燒肉店 (已結業)

朋友话旺角有间日式烤肉铺做紧优惠，只要个名有「德、兴、家」啲三个嘅同音字2个，就可以free一餐，个fd又真系有呢两个字。 我哋食嘅系C餐，包左刺身、安格斯拼盘、海鲜盛，仲有烧肉任食。我钟意去呢度除咗汽水之外仲有茶拣，啱晒唔钟意饮汽水嘅我。我就拣左佢个蜜桃乌龙茶，入口茶味唔浓后有淡淡嘅蜜桃味，好清新。刺身拼盘。刺身拼盘有三文鱼、甜虾、带子、螺肉同贝肉。份量唔算多，都系过下口瘾。三文鱼厚切，带子好鲜甜。不过出面仲有其他冷盘可以食，唔够嘅仲可以去食冻虾。海鲜盛。海鲜有鲍鱼、大虾、带子、甲罗烧等。店员好细心咁讲解每种海鲜要点烧同烧几耐。鲍鱼好大只，咬落去唔会太老，跟店员嘅指示烧啱啱好。甲罗烧就好足料，有鹌鹑蛋同蟹籽，一啖落去好满足。安格斯拼盘。拼盘有5种肉，包括有牛小扒、牛舌等。一啖咬落牛舌到，有小小爽口小小油，好重牛味。牛小扒入口即融，真系好好好味。骰子牛外脆内软，出面㶶㶶地入面啱啱好！另外仲有其他任食可以拣，我觉得个海鲜粥就好好食！