Green Common (如心廣場二期) (已結業)

Green Common 呢排 sell 紧新餐肉 2.0 配方，又有好多新菜式推出，令真汉子急不及待想去试下。🤤🐎睇餐牌先知「细素港式情怀」停咗，不过我一向觉得呢个系列价钱太贵唔系好抵食，sorry。😅今次叫咗：🍔 新牛肉汉堡 Plus $88Plus 版分别系加咗 daiya 纯素车打芝士同牛油果，唔 plus 就卖 $68。之前见 Green Common IG 话出咗只新嘅牛肉汉堡扒，但睇返啲相又唔似餐厅供应果块。Anyway 牛肉味好浓又唔算好干，加埋厚切新鲜番茄同牛油果，大大个汉堡包可以两份 share，都算抵食嘅。酱汁系普通茄汁嚟，块芝士就不过不失啦。🧀🍙 新餐肉芝心饭团 $68真心讲，睇餐牌觉得有点 hea，纯粹见佢荃湾分店限定所以叫，但原来超好食㖞。饭团个面煎到脆脆哋，极似失传已久嘅煎糯米鸡（唔知道系点嘅可以请教吓爷爷嫲嫲 🤣），啲饭又烟烟韧韧好似食紧粽咁。个新餐肉完全唔咸，同埋竟然进化到有少少弹牙，估佢唔到。😬🦷🍓 草莓燕麦奶绵绵茶 $49可选无糖，半糖，或走奶盖。好香燕麦奶味，唔太甜，啱哂女士们饮。🌾话时话个新餐肉饭团好似唔太复杂，应该可以买啲新餐肉自己返屋企整。