酔々炭火燒居酒屋

营业中

休息中

尖沙咀真系好多嘢食，发掘到尖沙咀炭火烧高质数居酒屋😋好正啊，见到师傅即场烧串烧，一连串嘅动作睇到佢技术👍🏻视觉效果唔错，而且通风系统一流，唔会有油烟味，环境舒适。鹿儿岛A4和牛肉眼鹿儿岛啲牛好正，脂肪比例丰富雪花状态，睇住师傅轻轻烧几秒反转再烧，里面切开仲系粉红色雪花，脂感满满❤️鳗鱼串鱼皮烧至微焦脆卜卜，入边鱼肉油脂丰富超钟意食。自家制免治鸡肉免治鸡肉软骨精粹在于入边有一粒粒细细嘅软骨，有咬口。烧日本季节蚝非常推荐，虽然唔系好大只，但系味道取胜，蚝肚饱满，炭火烧蚝火候刚刚好唔会干水，想嘅时候有炭火香而且饱满。紫苏墨鱼卷如果钟意紫苏嘅朋友仔唔可以错过，紫苏独特香气配上弹牙粒粒墨鱼卷😲上面嘅鱼子粒粒饱满咬落去系脆，整个感觉就系弹牙甲罗烧蟹盖里装满蟹膏👍🏻咸味适中、鲜味浓郁。旁边有已经预先涂上牛油嘅面包埋，夹埋蟹膏劲正，视觉同味觉都好chill！白子白子好补架🙈 口感软糯绵密，佢哋嘅独特鲜香，非常吸引我。底部有少少酸甜嘅酱汁，可以中和白子浓厚香气，佢哋嘅白子经过轻轻火炙，依然保持香滑，食完之后仲有少少汤汁可以饮。明太子玉子烧超级推荐，玉子上面铺满明太子沙律酱，咸咸香香超好吃！