影片
更多
2020-10-15
227 浏览
由于疫情关系已经好耐无出街食就变咗晚晚住家饭之余，仲连埋第二日返工嘅lunch，煮饭谂煮咩都谂到头爆，咁情况下就罢工一日同妈妈出街食。近近地唔去咁远，就兜咗去慈云山毓华街一带睇吓，可能太耐无嚟慈云山，原本红色米变咗时代冰室，由于知道系同一集团觉得有保证，于是泊好架车就入去食。装修同九龙湾一样都系光鲜企理，最紧要坐得舒服。一坐低职员好快就上咗两碗例汤，效率都好快手。嘢食方面点咗王牌葱油鸡半只、咖喱原条炸鱼柳配印式薄饼、虫草花上汤浸娃娃菜同埋黄金咸蛋鸡中翼。嘢食都好快上枱，先上咗个虫草花上汤浸娃娃菜，上汤好鲜甜，菜又够新鲜；跟住到黄金咸蛋鸡中翼，咸蛋好香口之余又唔会过多，因为太多咸蛋黄嘅话就会抢哂鸡翼味之余仲会好油腻嘅感觉，呢到整到配搭啱啱好，食多几只都唔怕！到个咖喱原条炸鱼柳上枱，块鱼柳都几大块，而且仲好香脆；咖哩汁够香又够辣，仲越食越想食，最搞笑系妈妈话食到觉得个喉咙好舒服，我都系第一次听到食咖哩会有咁嘅感觉。最后到个王牌葱油鸡，成碟鸡都系葱，望落去已经感觉D鸡好滑，果然放入口都系一样，而且葱油都整到好好味，最衰呢排戒紧淀粉质，否则一定要埋碗饭嚟送葱油，真系送饭一流！如果呢餐饭要挑剔，
装修同九龙湾一样都系光鲜企理，最紧要坐得舒服。一坐低职员好快就上咗两碗例汤，效率都好快手。嘢食方面点咗王牌葱油鸡半只、咖喱原条炸鱼柳配印式薄饼、虫草花上汤浸娃娃菜同埋黄金咸蛋鸡中翼。
嘢食都好快上枱，先上咗个虫草花上汤浸娃娃菜，上汤好鲜甜，菜又够新鲜；跟住到黄金咸蛋鸡中翼，咸蛋好香口之余又唔会过多，因为太多咸蛋黄嘅话就会抢哂鸡翼味之余仲会好油腻嘅感觉，呢到整到配搭啱啱好，食多几只都唔怕！
到个咖喱原条炸鱼柳上枱，块鱼柳都几大块，而且仲好香脆；咖哩汁够香又够辣，仲越食越想食，最搞笑系妈妈话食到觉得个喉咙好舒服，我都系第一次听到食咖哩会有咁嘅感觉。
最后到个王牌葱油鸡，成碟鸡都系葱，望落去已经感觉D鸡好滑，果然放入口都系一样，而且葱油都整到好好味，最衰呢排戒紧淀粉质，否则一定要埋碗饭嚟送葱油，真系送饭一流！
如果呢餐饭要挑剔，系唯独嫌只鸡斩嘅时候唔系斩得几好，鸡骨碎多咗些少搞到𠝹到条脷流血。
埋单$204@2人
张贴
