Mr.W 即烘蛋糕

营业中

休息中

成日去天后条食街「揾食」，今日经过比阵阵蛋糕香气吸引住~ 原来系呢间新开冇耐既蛋糕店！！一开始以为系古早味蛋糕店，但店员就话佢哋唔系一般台湾古早味，而系卖香港特色蛋糕。店员话蛋糕系用上等既日本面粉整，推介枣蓉同无花果蛋糕，话有得试食。试左两款，无花果蛋糕食到粒粒果籽，从来冇食过口感咁独特既蛋糕，而且仲食到无花果肉，绝对真材实料！枣蓉味就食到好浓郁既枣香，本身我唔系几钟意食红枣，但系都觉得好食，因为好香甜，一d都唔会涩！重点系呢两款食材都好有益，而且我从来冇系出面食过，真系唔知拣边款好！咁岩蛋糕师傅搬咗一盘新鲜出炉既无花果蛋糕，最后我决定买一件试下，攞上手仲热辣辣。带咗返去比屋企人分享，个个大赞好食，连对食物好有要求既婆婆都话好松软，好香，好好食！！ 虽然我唔系专家，但食得出个蛋糕系用上等既面粉，感觉好新鲜又健康。个人认为绝对值得回购！