元朗新記 (鴻運樓)

营业中

休息中

系大同买完月饼，同爸妈黎左呢间出名食鸡粥嘅「新记」。餐牌样样都好吸引，价钱相宜，忍唔住叫左成枱嘢食😍贵妃鸡粥必叫招牌鸡粥～招牌系有原因，鸡大大件又多肉，有两大旧系鸡脾肉添，咸鸡令个粥特别香滑，粥底唔杰唔稀，好味。菠萝咕噜肉呢样都好好味啊～份量多得黎酸甜适中，肉好挂汁仲有少少脆，𩠌饭一流。酥炸鱿鱼须我嘅至爱😌份量又系超多，满满一大碟。幼身嘅鱿鱼须炸得卜卜脆，爽口唔硬，送酒正。扬州炒饭大大碟，三个人share都ok。虾仁火腿都好多，好香口又唔油。香脆炸大肠老豆至爱，炸得干身，好香脆，猪肠都好干净。估唔到普通一间茶记样样食物都有水准，qr code落单又方便，两老都好满意。👍🏻