La Postre (永樂街) (已結業)

今晚约咗男朋友食饭，因为佢话想试吓新野食，我就叫佢上网揾吓想食咩，佢就提议一齐去试吓西班牙菜。为咗就返我系中环放工，所以就拣咗间近近地喺上环嘅La Postre。  食物选择好多，传统西班牙小食tapas、主菜、甜品同饮品一应俱全。  今次小食我哋拣咗黑松露薯条同芝士煎蟹饼。黑松露薯条摆盘方面十分有心思，薯条亦都炸得好香脆，而酱汁系用咗黑松露捞蛋黄酱，黑松露味好香同蛋黄酱亦都好夹。  芝士煎蟹饼边有六只蟹钳，捞埋鸡蛋、草菇、 薯仔粒、蟹肉等等煎成，蟹饼上加左木鱼碎，材料十足，再配埋芝士嘅咸香，十分好食。  主菜方面我哋叫咗两人份嘅西班牙海鲜饭，配上青口、蚬、樱花虾同大虾，海鲜嘅份量亦都好足够。海鲜饭做法都好传统，用咗茄汁、甜椒粉同青黄红椒，加上海鲜嘅鲜味，成个饭香而不腻，绝对系必叫之选。  甜品方面，我哋叫咗抹茶麻糬窝夫。窝夫嘅粉浆加咗抹茶粉，再放左烟韧嘅麻薯，食落有两种口感。配上抹茶雪糕，抹茶蛋糕，红豆同糖浆，想落咩配料可以自己选择。  食到咁上下，店员邀请我哋帮佢填一份问卷，填完之后仲送咗一个焦糖布丁俾我哋。  最后我同男朋友名自都叫咗饮品，佢拣咗冻嘅桂花荔枝茶，而我就拣咗热嘅蜜桃