下站帖 (已結業)

行行下街好颈渴， 而家兴饮台式饮料， 路经尖沙咀见到呢间舖， 见到装修几特别几时髦， 就决定买番杯饮下。望下个menu ， 发觉都好多选择， 除咗正路嘅珍珠奶茶， 同埋而家大热嘅 黑糖珍珠鲜奶之外， 重有水果茶等等。 而今次我就是咗佢top2嘅 日出蜜香红奶盖。杯饮品大概等咗五分钟先制作出嚟， 铺头仲有一个corner位 系畀顾客用嚟打卡用嘅。 喺呢个布置同光源底下影出嚟嘅饮品真系几美观。你杯嘢饮表面铺上一层奶盖， 同底下嘅蜜香茶沟得十分匹配。 成杯嘢浓旭得嚟又带点清新， 每一啖入口都有想继续饮落去嘅感觉。 杯嘢嘅份量大概700 cc左右， 售价35蚊， 个人觉得价钱正路 ，系一分钱一分货嘅。