影片
更多
2022-10-19
1326 浏览
💡高质铁板烧尖沙咀广东道开咗间新嘅餐厅，系全港首间铁板烧拼中式菜式，装潢优雅，仲有水泡吊灯，成个感觉好高级，今次坐系吧枱位置，可以一边欣赏师傅系你面前煮铁板烧，一边享受咁美味食味。而家仲有户外位置，岩晒同朋友chill下。🍽水云前菜水云前菜有酸青瓜、红萝卜、洋葱等等，而今次好特别有水云菜，入口如丝柔顺，几样加埋一齐食，酸酸甜甜，十分开胃🍽蟹肉茶碗蒸🦀茶碗蒸热烫烫，蟹肉份量十足，店员好细心提醒一定要捞匀先可以食，咁样先可以每一啖都可以食到蟹肉🤩蒸蛋够晒蛋香浓郁食落仲好滑溜，好满足😍🍽赤金鲷🐠 呢个系季节海鲜，今次系赤金鲷。师傅用咗立鳞烧嘅方法，立鳞烧系好考功夫的菜式，先确保油温度系足够先，再以半煎炸方式，慢慢控制，令到鱼鳞炸到一片片卷起，食个阵沾上海胆松露忌廉汁，成个味道即刻升华左。🍽法国鹅肝🦢鹅肝厚切得黎好大份，开头仲好惊会好重油腻咁，但点知入口即溶，油脂香得黎仲唔油，配埋脆脆面包一齐食，好满足🍽仙台产虎虾🦐呢碟最特别系以虾汁虾膏作为酱汁，再加埋佢地自家调制酱汁烹煮，令到味道更香溢扑鼻。虾肉超弹牙，唔会干身，捞埋香浓的虾酱，更加无得顶😋🍽熊本黑毛和牛A5🐂未煮个阵已经见到和牛纹路好靓
尖沙咀广东道开咗间新嘅餐厅，系全港首间铁板烧拼中式菜式，装潢优雅，仲有水泡吊灯，成个感觉好高级，今次坐系吧枱位置，可以一边欣赏师傅系你面前煮铁板烧，一边享受咁美味食味。而家仲有户外位置，岩晒同朋友chill下。
🍽水云前菜
水云前菜有酸青瓜、红萝卜、洋葱等等，而今次好特别有水云菜，入口如丝柔顺，几样加埋一齐食，酸酸甜甜，十分开胃
🍽蟹肉茶碗蒸🦀
茶碗蒸热烫烫，蟹肉份量十足，店员好细心提醒一定要捞匀先可以食，咁样先可以每一啖都可以食到蟹肉🤩蒸蛋够晒蛋香浓郁食落仲好滑溜，好满足😍
🍽赤金鲷🐠
呢个系季节海鲜，今次系赤金鲷。师傅用咗立鳞烧嘅方法，立鳞烧系好考功夫的菜式，先确保油温度系足够先，再以半煎炸方式，慢慢控制，令到鱼鳞炸到一片片卷起，食个阵沾上海胆松露忌廉汁，成个味道即刻升华左。
🍽法国鹅肝🦢
鹅肝厚切得黎好大份，开头仲好惊会好重油腻咁，但点知入口即溶，油脂香得黎仲唔油，配埋脆脆面包一齐食，好满足
🍽仙台产虎虾🦐
呢碟最特别系以虾汁虾膏作为酱汁，再加埋佢地自家调制酱汁烹煮，令到味道更香溢扑鼻。虾肉超弹牙，唔会干身，捞埋香浓的虾酱，更加无得顶😋
🍽熊本黑毛和牛A5🐂
未煮个阵已经见到和牛纹路好靓，厨师会问你要几多成熟，建议3成熟，开头仲惊会好生，但厨师话会更能迫出油香，会更好味。和牛薄烧半熟嫰红，内里包住蒜片及细花，就咁放落口食已经好好味，而且会附带海盐及黑椒，可因应个人口味再添加。伴碟最特别系有细细粒龙珠果，食完和牛再食，好解腻。
🍽银稚鱼炒饭🐠
黎自静冈县银稚鱼好香口，米饭炒至干身，粒粒分明，加埋葱粒、鸡蛋，好滋味。
🍽鲷鱼汤
鱼汤色泽奶白，以大量鱼骨熬煮，好香浓鱼味。
ps/整体食物质素好高质，每一样食物都用不同碟作摆设，店员及厨师好细心讲解每一样食物系咩黎，应该点样食，值得大推。
张贴
