申子居酒屋

营业中

休息中

心血来潮去左家人介绍嘅申子食午餐。无介绍错，不论食物，服务，环境都好满意。豚肉金菇卷。金菇好大串。豚肉烧得好香。食落十分juicy唔会干。蓬松玉子中间有拉丝芝士。同平时食嘅玉子烧唔同，要用匙羹，每一啖都好滑嫩！牛舌芯系店员介绍。每一粒都好厚，配埋盐/芥辣更好食！网烧安格斯肉眼定食。全餐饭味道最普通嘅一味。牛无乜味，要靠调味料。肉质ok。申子三色丼。好食，足料。海胆香甜，三文鱼籽细细粒，呑拿鱼蓉仲多过饭。份量大，最后食唔晒。角切鱼生饭都劲足料。服务好。中途多次有人黎斟茶。环境亦都好舒服。卡位坐得好阔落，灯光暗暗哋，同隔离枱有一定距离，所以都几静。系食饭倾偈嘅好地方。