香江花月 (利舞臺廣場) (已結業)

之前去利舞台食饭见到有间环境好靓嘅餐厅，午市主打点心，晚市就做养生美颜火锅，今次试咗佢嘅火锅餐厅装修重现番50年代嘅香港，选址喺利舞台非常之适合，入面有好多打卡位，有个位仲好似Teamlab咁，玩灯光同镜俾人影相，而餐厅好大，座位好宽敞，食得舒服好多打卡餐厅嘅食物质素都系一般，但呢间嘅火锅绝对高质，叫咗个辣汁花蛤锅，有好多配料喺汤底入面，有好多花蛤，新鲜冇沙，仲有好多蕃茄、什菇、洋葱、西芹，个汤就咁饮都好正，有蕃茄嘅酸味，花蛤嘅甜味，入面仲有秘制辣汁带出少少辣味，几过瘾叫咗个香江拼，即系全牛拼盘，每个部位都有几片，可以试哂咁多款野几爽，牛嘅质素本身高，所以牛味浓郁，脂肪比例好，餐厅仲有教学讲每个部位要煮几耐，跟佢建议就唔会浪费啲靓牛仲叫咗个七色饺，个摆盘好靓，每款饺子皮薄馅靓，有啲款式例如虫草花饺都几特别，值得一试佢啲饮品都几啱打卡，叫咗两杯特饮：桃花缘、香芳幻，几啱用黎解辣消滞职员嘅服务态度都好好，好多位都feel到佢地细心，而且会主动帮客人隔油同换碟，所以呢间真系内外兼备，我下次一定会再黎呢间打边炉，我仲有好多野想试！