Layback Cafe & Bar (已結業)

呢间黄店嘅水准几高，一入到餐厅已经见到好多文宣，环境方面有分室外同室内，好彩一早有订位，餐厅已经座无虚席。香蒜白酒芦笋日本和牛粒烩扁意粉 $138呢个意粉味道几好，食到白酒淡淡嘅清香，见到香蒜以为佢会好浓郁，但味道啱啱好。和牛粒都好juicy又唔韧，唯一系扁意粉太淋身，但味道几好嘅。牛油果软壳蟹汉堡配薯条 $138牛油果足足有一个，有惊喜嘅系汉堡皮竟然系用bagel 好有心，bagel好味外脆内又够咬口，唯一嘅系软壳蟹炸得太干，汉堡馅料好多蔬菜都好多。薯条炸得好好，脆脆又不油！日本极上和牛粒配喜马拉雅山岩盐 $128和牛分量普通唔算太多，但食落又肉汁，和牛大约五成熟，所以一啲都唔韧。