The Hunt Coffee & Roastery

营业中

休息中

今日同男朋友去观塘行街，经过见到呢一间装修得好精致嘅Cafe，所以入去试吓。餐厅地方好阔落，几有气氛，而我哋被安排咗一个梳化位，好舒服。餐牌好多样，有前菜，意大利饭，意粉，汉堡包，牛扒等等，应有尽有。如果星期一至五嚟仲会送饮品。Grilled US Baby Back Ribs猪肋骨卖相好靓，都几大份，仲会有埋番薯薯条。首先猪肋骨味道系有BBQ酱，酸酸地而又有少少辣味，好惹味，好容易切，好嫩多汁。番薯薯条炸到好酥脆，入面食到甜甜嘅番薯蓉，配埋特制嘅沙律酱好好食。South Africa Abalone Orzi Pasta 呢一个米型面好特别，之前都未食过。佢嘅质感介乎于意粉同饭中间，烟靭得来系好软绵，而呢呢个面入面有好浓嘅咸蛋黄味，仲有炸得好脆嘅菇同埋杏仁，好有口感，鲍鱼好新鲜弹牙，系好惹味嘅一个主菜。Hunt signature tiramisu 另外当然唔少得要试佢招牌嘅Tiramisu，卖相果然超级靓，食落咖啡味浓，奶油好软好滑，又唔会太甜，系好出色嘅甜品。