荳子 (海壩街) (已結業)

平时见好多人排队，想试好耐啦，假日三点几去到排大约20分钟，环境都舒服，几适合食个甜品，叹个下午茶同朋友倾下计。推介黑松露软壳蟹意粉黑松露好香，意粉口感唔会太淋或太硬，刚刚好，仲有个软壳蟹好脆好香口，唯一系个份量可能会唔够男仔食，但好好食，必试。另外，我仲叫左两个甜品。伯爵茶流心吐司系竹炭吐司，几特别又松脆，一切开入面有伯爵茶浆流出来，再配雪糕食好夹，唔会好甜，唔钟意食太甜嘅朋友都可以一试。香草绿茶梳乎厘好香好浓蛋味，好松软，但食落唔会好似得食空气个种口感，亦都唔会好甜，有淡淡既绿茶味，下次黎都会再食。