影片
更多
2024-07-16
299 浏览
今晚食对我地黎讲比较冷门的印度菜，主要系老公既印藉同事大力推介依间起源于1972年，历史悠久嘅印度菜，老公话想试吓。餐厅走高级印度菜路线，装修好靓，环境舒适，仲有结他手现场演奏充满印度特色嘅音乐。坐低之后侍应就送上薄脆小食，然后我哋点咗几款小食同埋三款主菜，好丰富。Avocado Mango Dahi Poori (4pcs) $68牛油果芒果伴脆面饼呢个系传统印度菜改良嘅，虽然系前菜仍有d甜品feel。牛油果同芒果加上啲乳酪装咗喺超脆嘅米饼杯仔入面，冻冻地，食落感觉好fresh，几特别。Taco Time (2pcs） $88印度夹饼（芝士馅料）外观同一般墨西哥taco冇咩分别，不过系印度嘅味道，印度嘅香料加上水牛芝士粒，味道浓厚。Arabi salad阿拉伯沙律$98有水牛芝士、青瓜粒、红萝卜粒，生洋葱粒同埋橄榄粒，加咗啲黑椒，食落味道咸咸地，几唔错，d配料好新鲜。Lamb Seekh Kebab 串烧羊肉卷 （2 pcs) $98羊肉搅烂造成一条肠，羊肉味慢慢涌出来，用料足，烧得香，唔会㶶，好味道。Fish Tikka 炭烧鲛鱼 （2 pcs) $98同样烧得香，外脆内嫩，内面
坐低之后侍应就送上薄脆小食，然后我哋点咗几款小食同埋三款主菜，好丰富。
Avocado Mango Dahi Poori (4pcs) $68
牛油果芒果伴脆面饼
呢个系传统印度菜改良嘅，虽然系前菜仍有d甜品feel。牛油果同芒果加上啲乳酪装咗喺超脆嘅米饼杯仔入面，冻冻地，食落感觉好fresh，几特别。
Taco Time (2pcs） $88
印度夹饼（芝士馅料）
外观同一般墨西哥taco冇咩分别，不过系印度嘅味道，印度嘅香料加上水牛芝士粒，味道浓厚。
Arabi salad阿拉伯沙律$98
有水牛芝士、青瓜粒、红萝卜粒，生洋葱粒同埋橄榄粒，加咗啲黑椒，食落味道咸咸地，几唔错，d配料好新鲜。
Lamb Seekh Kebab 串烧羊肉卷 （2 pcs) $98
羊肉搅烂造成一条肠，羊肉味慢慢涌出来，用料足，烧得香，唔会㶶，好味道。
Fish Tikka 炭烧鲛鱼 （2 pcs) $98
同样烧得香，外脆内嫩，内面肉质扎实而嫩滑，加d柠汁，d鲜味出哂黎。
Kadai Jheenga 镬仔洋葱红茄烩鲜虾$188
本身以为佢唔辣，点知原来系辣既，而且比我哋叫的两款咖喱更辣，不过个酱辣得好香，充满蕃茄味，加上好多青椒，西芹洋葱等等，个酱好香，点烤饼食唔错。虾新鲜，好有虾味。
Bengali Fish Curry 椰香芥末咖喱鱼$178
椰汁好香，唔会太辣，用嚟送烤饼系另一款味道，鱼肉好滑，份量唔少。
Truffle Butter Chicken 松露奶油咖喱鸡$228
最后食系呢个，个咖喱好香滑，松露令个咖喱更多层次，咖喱鸡又滑又嫩，啲咖喱汁超邪恶，用黎蘸烤饼超好味。
Naan 烤饼$45
外脆内软，食咖喱一定要嘅配搭。
Garlic Naan 蒜茸烤饼$48
呢款比原味嘅较为油腻，但多了蒜香，同样外脆内软。
Mango Lassi $78
呢杯印度饮品名物一定要嗌，好香滑，芒果味好真实，唔会假。
张贴
