影片
更多
2022-03-17
123 浏览
嚟介绍下特色cafe喇☕️！今次想同大家分享嘅系位于土瓜湾嘅台式cafe The Grove🇹🇼。呢间餐厅早喺大围已经开设门店㗎喇，估唔到而家嚟到土瓜湾都有得食🤭。由于我实在太耐冇食过台湾菜啦，所以机遇巧合之下先会介绍呢间台式cafe畀大家😚。唔讲咁多开场白喇✨，即刻入正题！环境方面☝🏻先讲下餐厅嘅装修先，因为餐厅其实都算系开业无耐，所以整体装修都算新净👍。我特别钟意餐厅入面嘅一幅画，个主题当然都系关于The Grove cafe啦🤪，而我咁啱坐嘅位就正正同幅画对望住🤣，望到画入面嘅人物过得咁chill，都稍为影响到我㗎🤣。食物方面✌🏻#阿ROY牛肉面（$63）据我所知，个名嘅由来就系cafe老板想致敬返昔日老板而命名嘅😌。讲返味道先，我觉得牛肉面嘅汤底真系熬得好出色，听闻餐厅系用咗15种材料去煮个汤底㗎👁，真系唔怪得饮落个汤嘅味道会咁香浓😝，仲要香浓得嚟又有少少辣，真系好开胃😍。而牛肉嘅部分，餐厅就采用咗牛腱部分，咬落个肉质都几松化㗎✨，而且口感软淰❤️。面质又够爽口弹牙🍜，整体绝对系一碗出色嘅牛肉面！#鲁肉贝果配地瓜条（$70）平时各式各样嘅bagel我都见过，但我真系未试过夹鲁肉嘅b
今次想同大家分享嘅系位于土瓜湾嘅台式cafe The Grove🇹🇼。呢间餐厅早喺大围已经开设门店㗎喇，估唔到而家嚟到土瓜湾都有得食🤭。由于我实在太耐冇食过台湾菜啦，所以机遇巧合之下先会介绍呢间台式cafe畀大家😚。唔讲咁多开场白喇✨，即刻入正题！
环境方面☝🏻
先讲下餐厅嘅装修先，因为餐厅其实都算系开业无耐，所以整体装修都算新净👍。我特别钟意餐厅入面嘅一幅画，个主题当然都系关于The Grove cafe啦🤪，而我咁啱坐嘅位就正正同幅画对望住🤣，望到画入面嘅人物过得咁chill，都稍为影响到我㗎🤣。
食物方面✌🏻
#阿ROY牛肉面（$63）
据我所知，个名嘅由来就系cafe老板想致敬返昔日老板而命名嘅😌。讲返味道先，我觉得牛肉面嘅汤底真系熬得好出色，听闻餐厅系用咗15种材料去煮个汤底㗎👁，真系唔怪得饮落个汤嘅味道会咁香浓😝，仲要香浓得嚟又有少少辣，真系好开胃😍。而牛肉嘅部分，餐厅就采用咗牛腱部分，咬落个肉质都几松化㗎✨，而且口感软淰❤️。面质又够爽口弹牙🍜，整体绝对系一碗出色嘅牛肉面！
#鲁肉贝果配地瓜条（$70）
平时各式各样嘅bagel我都见过，但我真系未试过夹鲁肉嘅bagel🤣，难得有机会我就当然要试吓啦。讲返味道先，餐厅bagel嘅味道好特别，唔似平时喺cafe食到嘅味道😬。要形容嘅话就有啲似烘过嘅酒楼包点咁，个口感好特别😙。而bagel嘅内馅同样够晒惊喜🤩，里面一共有五块大大嚿嘅鲁肉，完全系塞满晒成个bagel😝，讲返味道先，我觉得鲁肉煮得好入味，而且个口感好绵密，可以食到高质素嘅啖啖食🐖。至于地瓜条方面，我不嬲都支持食蕃薯条🍠，因为自我感觉会比薯条更健康🍟。讲返味道先，我觉得咬落真系够脆口，而蕃薯蓉喺入面嘅份量都算多👍，算系同bagel几match嘅小食！
#豆沙窝饼（+$22）
我觉得个卖相好特别😳，估唔到豆沙窝饼最后系三角形块状咁呈上👾。讲返味道先，我钟意餐厅豆沙馅嘅份量放得啱啱好。我觉得如果豆沙馅放太多绝对唔系好事🙅，如果分开几啖咬嘅话，豆沙馅就好大机会爆出嚟，咁样食得太狼狈啦🤐。而餐厅就避免咗呢个问题，相当贴心🤭。
#葱肉馅饼（+$22）
就咁睇个卖相畀我嘅感觉系有啲似生煎包🤣，不过估唔到呢份小食就算冇用保温嘅器皿装住，个包嘅温度依然保持🥵。咬落口个刻真系热辣辣，喺呢个天气嚟讲真系无得输！而肉馅嘅味道都好正，除咗啲肉质够晒绵密，仲有好浓烈嘅葱味🥳。而个酱汁带有少少酸味，整体我觉得好夹个馅饼😍。
#盐酥鸡（+$22）
我本人真系几钟意食盐酥鸡🧂🐔，因为贪佢有炸鸡嘅感觉而唔需要拆骨🤣。讲返餐厅嘅盐酥鸡先，我觉得鸡件嘅份量算系比一般嘅大，几抵食😋。同埋我觉得餐厅嘅炸物真系有一手，可以确保到每件都咁香脆仲要唔油腻，咬落嘅声用嚟拍ASMR都几正😚。
#黄金芋圆球（+$20）
呢份小食顾名思义就系炸芋圆球，我觉得个卖相好适合打卡📸，特别系咬开之后，会睇到唔同嘅颜色同层次❤️。我觉得佢仲好食过榴梿炸弹，因为个芋圆球入面嘅芋圆系溶溶地嘅状态架😇，成件事真系好邪恶😈。我觉得绝对系必定要叫嘅小食！
#黑糖姜茶（热）（$26）
个人觉得味道算系正常，都系同一般嘅黑糖姜母茶差唔多。不过佢胜在够养生啊🤣，咁已经吸引到人饮啦！
#珍珠奶绿（冻）（$26）
我几钟意珍珠嘅烟韧度，煮得啱啱好，唔会过硬😝。同埋珍珠嘅数量都几多㗎，每啖都可以食到大量珍珠🤣。
👉🏻整体我觉得佢算系一间高质嘅台式cafe，仲要佢嘅价钱都唔算好贵。如果住喺附近或者喺附近返工想食台式嘢嘅，绝对值得考虑呢间餐厅啊！
评分以🌕表示（满分为5）
环境：🌕🌕🌕🌕🌗
卖相：🌕🌕🌕🌕🌑
味道：🌕🌕🌕🌕🌗
服务：🌕🌕🌕🌕🌗
张贴