川粤時空時尚小廚

营业中

休息中

识饮识食嘅我，今日嚟到观塘，食我最钟意嘅浓味川菜，店舖位于观塘中心地段，环境好阔落，无论系两三个人坐卡位，定系一班朋友坐卡拉OK房，呢度都系好好嘅聚脚点，特别推荐菜式如下：老坛酸菜鱼⭐️⭐️⭐️⭐️啲鱼滑嘅程度可以用入口即溶嚟形容，鱼底配料，包括大豆芽，莲藕，莴笋及宽粉。柚子骨⭐️⭐️⭐️⭐️十级推荐，呢条骨送饭一流，酸酸甜甜好开胃，令我不知不觉食晒成碗饭。干煸四季豆⭐️⭐️⭐️好惹味，又系送饭名菜，不过大家食肉碎要小心咬到花椒粒，我连中两次奖。麻辣莲藕片⭐️⭐️⭐️虽然系属于小食前菜，但份量真系超级多，莲藕爽脆配埋又麻又辣嘅酱汁，爽。