影片
更多
2023-04-21
36 浏览
最近係西環呢邊做嘢，行過見到呢間餐廳有好多人排隊。原來係石燒和牛嘅，咁就即刻上網查吓呢間係何方神聖！😍感覺好高質，即刻趁lunch去試一試先。A4黑毛和牛吉列牛 $188（+$38轉做套餐，入邊有蜆湯、雜菜、沙律、白飯+飲品）本身都好鍾意食吉列牛，佢呢個黑毛和牛啲雪花紋好正，輕輕咁燒幾下，等啲牛變成啡色，就忍唔住食啦。一咬佢有好香嘅牛肉味，好好食，值得推薦。一口牛肉再加一啖日本米飯。每啖入口我都覺得好滿足💕💕A4黑毛和牛厚切三角腩片 $168（+$38轉做套餐，入邊有蜆湯、雜菜、沙律、白飯、飲品）三角腩肉質軟滑，因為呢個位牛脂分布平均，所以佢既牛味都好平衡😋燒完佢啲油花更香更juicy 😍 我哋仲加咗$10轉左個月見蛋紫菜飯，牛、紫菜、日本飯再溝埋啲蛋漿超滿足！小食：雞皮餃子、吉列蠔雞皮餃子脆卜卜，而且熱辣辣。好適合送酒；而吉列蠔炸到金黃色，一啲腥味都冇，蠔肉鮮甜肥美。飲品：富士山特飲、白蘋果汁（跟餐半價）聽聞呢杯富士山特飲超高人氣，個顏色同賣相一流，酸酸甜甜，好飲💕白蘋果汁都唔會過分酸，飲完都好開胃中和左個熱氣感😍
A4黑毛和牛吉列牛 $188
（+$38轉做套餐，入邊有蜆湯、雜菜、沙律、白飯+飲品）
本身都好鍾意食吉列牛，佢呢個黑毛和牛啲雪花紋好正，輕輕咁燒幾下，等啲牛變成啡色，就忍唔住食啦。一咬佢有好香嘅牛肉味，好好食，值得推薦。一口牛肉再加一啖日本米飯。每啖入口我都覺得好滿足💕💕
A4黑毛和牛厚切三角腩片 $168
（+$38轉做套餐，入邊有蜆湯、雜菜、沙律、白飯、飲品）
三角腩肉質軟滑，因為呢個位牛脂分布平均，所以佢既牛味都好平衡😋燒完佢啲油花更香更juicy 😍 我哋仲加咗$10轉左個月見蛋紫菜飯，牛、紫菜、日本飯再溝埋啲蛋漿超滿足！
小食：雞皮餃子、吉列蠔
雞皮餃子脆卜卜，而且熱辣辣。好適合送酒；而吉列蠔炸到金黃色，一啲腥味都冇，蠔肉鮮甜肥美。
飲品：富士山特飲、白蘋果汁
（跟餐半價）
聽聞呢杯富士山特飲超高人氣，個顏色同賣相一流，酸酸甜甜，好飲💕白蘋果汁都唔會過分酸，飲完都好開胃中和左個熱氣感😍
张贴
