Le Marché Steak & Frites (已結業)

将军澳海旁最近开左间新餐厅 Le Marché Steak & Frites，餐厅地方唔大但系气氛都几chill，几适合三五知己坐低饮返两杯，到走果时唔觉唔觉都坐到9点几。 美国特选级天然「黑白牛」肉眼扒 16oz $468 佢地选用到特选级既美国肉眼，质素有返咁上下保证。店员推介我地食medium rare，我地唔怕太生太多血水所以就跟佢意见。果然店员推介系唔同d，咬落肉质唔单止软，而且十分之多肉汁，再加上牛扒有一定既厚度，口感十足，非常好食。 烤阿拉斯加比目鱼 $248 比目鱼用牛油纸包住咁烤，上面再加左香草，橙，同小蕃茄等等，令到比目鱼可以keep到仍然十分水润多汁，而香草既味道更加能够带出鱼油香味，绝对系必食之选。 爷爷西班牙油条配提拉米苏 $98 所谓西班牙油条其实就系churros，churros本身脆口而唔会太油，入面仲保持湿润唔会食到个口好干，再配上tiramisu加埋一齐真系配合得好好。顺带一提，佢地呢度既薯条系任食，薯条新鲜炸起真系无得输。