和田便當 (已結業)

系午饭时间，周围都要排队，食饭时间又得一个钟，真系好赶架，今日同同事又烦恼食咩之际，发现呢度有便当售卖机，试下好冇食先。好，睇下今日有咩食先。非常方便，选完便当，可以用八达通比钱，个便当就会升上黎岀口，成个过程唔使一分钟。薄烧鳗鱼，打开个便当，真系唔差㖞，啲饭食落暖笠笠，又软熟，鳗鱼都有半条，而且够汁，味道几好。照烧鸡拼味噌安格斯牛，呢个肉嘅份量好多呀，抵食！照烧鸡肉大大件，鸡肉食落好滑，牛肉就少少半肥瘦，感觉好新鲜，同即叫即煮冇咩差别。