鮨本

营业中

休息中

呢间系铜锣湾嘅Omakase店鮨本，评价都唔错，今晚同朋友有机会嚟试到两位年轻师傅嘅手势。又真系几好㖞！餐厅环境干净企理，得12个位，同一般鮨店差唔多。omakase价位$1280, 有5品小菜，寿司10贯，玉子烧，汤同甜品，算抵食👍🏻小菜方面，佢嘅盐烧平贝令我印象非常深刻！好大件平贝，包住紫菜食，啖啖肉啖啖鲜味，好高质👍🏻👍🏻寿司嘅舍利酸度适中，饭唔散，估唔到师傅年纪轻轻，但系呃寿司嘅技术咁好咁成熟👍🏻👍🏻 佢哋嘅食材当然系每日新鲜运到，全部都好鲜味，尤其系个海胆，超新鲜超甜！而且刀工非常好，刺身厚切，唔使惊食唔够🤣 服务方面，两位师傅都非常了解𠮶日嘅食材，帮我哋好仔细介绍每一食物，非常亲切有礼，大家仲可以叫返Sake同师傅一齐饮杯添！总括嚟讲今餐嘅用餐体验非常满意，值得推介大家嚟试吓👍🏻👍🏻👍🏻