點籽冰室 (已結業)

《✨点籽冰室》喺正公司附近，咁啱同同事行过呢边见到，今日又有啲赶时间，费事周围揾餐厅食嘢就决定食呢间。我就叫咗一个罗勒肉酱意粉🍝配热奶茶☕️。同事就叫咗🐷猪扒汤意粉配菠菜炒蛋及餐包配热柠蜜🍋。两个餐我觉得份量都几足，我哋两个女仔食都觉得好饱。我个个罗勒肉酱意粉嘅肉酱份量好多，食落好满足，每一啖都食到酸酸甜甜嘅蕃茄味同埋肉碎。同事𠮶个猪扒汤意粉都唔差，猪扒大大块，意粉都几烟靭有咬口，菠菜炒蛋只蛋唔老，仲配埋餐包添，超级丰富嘅套餐。饮品方面，热奶茶香滑，奶香茶香都浓厚。热柠蜜就酸酸甜甜。我哋两个都觉得呢间餐厅唔差，一星期都可以嚟食一两次😆