臺北棧 (荷李活道) (已結業)

Check in Taipei 最近参加左太古坊个市集，我lunch time之后路经𠮶度见到冇乜人，所以问下仲有冇得买，点知仲有㖞，所以就买左一碗$55伯爵茶冻QQ芋圆。不得不说呢碗野真系好大碗，全部都系料唔系就咁俾d糖水汁汁你就算。有芋圆，双色地瓜圆，伯爵茶冻，绿豆同埋大量爱玉垫底。芋圆好有芋头味，有几粒食到芋头粒粒。地瓜圆好有番薯味，俾个就无食到粒粒。伯爵茶冻好浓茶味，可惜我觉得浓得滞，浓到苦，苦到酸😥，所以我麻麻地个茶冻。由于我觉得佢冇乜糖水，我自己加左鲜奶落去一齐食，中和咗d甜度食落更好味。整体黎讲喺几抵食。