影片
更多
2015-11-02
1866 浏览
咁啱要行一行去荔枝角揾朋友，顺便入个地方快食个靓饭。行过呢间名叫「苡乔餐厅」，当我俩仲谂紧个名解作乜之际，原来同英文「E.Q Restaurant」perfectly match！门面似茶记嘅格调，但入面又有类似中档餐厅嘅布局，引起咗小妹同朋友嘅兴趣一于入去试试佢。入到去，见到所有座位都有厚身座垫，连餐枱都有铺块袋喺面，环境感觉系比普通茶记系稍为舒服。由于食午餐嘅关系，基本上系一块「午市套餐」牌通天下，一望餐牌，二话不说就叫咗「双重芝士焗鲜茄猪颈肉饭」，而小妹朋友就叫咗「鲜茄豚肉丸天使面」。（编按：餐牌会日日转款，相中餐牌同唔系食个日有少少出入）主食未到，先上餐汤。我俩叫咗一红一白，事后小编眼见朋友叫嘅罗宋汤原来好足料，汤里成碗都系丰富杂菜，早知都跟埋一齐叫红汤。跟著「鲜茄豚肉丸天使面」先上，几粒豚肉丸伴随著中间塔状嘅天使面，铺上带点茄肉嘅茄汁，望落个感觉几Fresh。上面仲有少少沙律菜做点缀，净系睇卖相都有少少喜出望外。食落口，茄汁够开胃，天使面亦煮得唔会有太「淋」，keep番应有嘅硬度同咬口，唯独是肉丸稍为觉得煮得过熟，干咗少少，唔够Juicy。随后小妹嘅「双重芝士焗鲜茄猪颈肉饭」
门面似茶记嘅格调，但入面又有类似中档餐厅嘅布局，引起咗小妹同朋友嘅兴趣一于入去试试佢。
入到去，见到所有座位都有厚身座垫，连餐枱都有铺块袋喺面，环境感觉系比普通茶记系稍为舒服。由于食午餐嘅关系，基本上系一块「午市套餐」牌通天下，一望餐牌，二话不说就叫咗「双重芝士焗鲜茄猪颈肉饭」，而小妹朋友就叫咗「鲜茄豚肉丸天使面」。（编按：餐牌会日日转款，相中餐牌同唔系食个日有少少出入）
主食未到，先上餐汤。我俩叫咗一红一白，事后小编眼见朋友叫嘅罗宋汤原来好足料，汤里成碗都系丰富杂菜，早知都跟埋一齐叫红汤。跟著「鲜茄豚肉丸天使面」先上，几粒豚肉丸伴随著中间塔状嘅天使面，铺上带点茄肉嘅茄汁，望落个感觉几Fresh。上面仲有少少沙律菜做点缀，净系睇卖相都有少少喜出望外。食落口，茄汁够开胃，天使面亦煮得唔会有太「淋」，keep番应有嘅硬度同咬口，唯独是肉丸稍为觉得煮得过熟，干咗少少，唔够Juicy。
随后小妹嘅「双重芝士焗鲜茄猪颈肉饭」亦登场了。个饭嘅主角系面个浸真系成块嘢「毕」得出嚟嘅芝士蓉，虽然芝士已经焗熟至四散平均分布，但因为落足料嘅关系仍然可以成块起上黎！芝士味够出众，浓郁得嚟亦食得出丝丝幼滑。鲜茄方面则食到几小片蕃茄片，以蕃茄作为配角以言不过不失。至于猪颈肉，本身系煮得入味，亦够熟，唯欠缺一点肉汁，及有啲俾芝士嘅强烈味道盖过咗，不过厚度同份量亦冇刻意偷工减料。总括而言，四五十蚊嘢，水准之上，值得一试！
张贴
