三井飽餅專門店

营业中

休息中

晌附近嘅百乐门烧味荼餐厅食完晏，同太太两个人周围逛，因为甚少嚟慈云山，仲晌凤德公园打个转，大话西游咁。但由上面毓华街行落去黄大仙港铁站，经个依间三井，见啲松饼整得几似模似样，又好抵，就不如买啲返屋企下午茶！提子松饼 $3如果叫英式松饼或士干（scone）就一讲就易明系乜，$3真系几抵，都几大个吓，质感几好，比一般士干软身同无咁干，返到去我哋都系搽番果酱嚟食。蓝梅松饼 $4.5依个就系美式松饼（muffin），虽然做得几松身，但只有面面一撮仔蓝梅酱，其实成个松饼无乜蓝梅味，估计都系用色素沟粉浆焗，所以睇外观先几有蓝梅松饼个样。不过，$4.5一个街坊嘢，都唔会一早有太多期望啦！