桔梗 (已結業)

每次去开旺角谂要食咩，通常都会拣嚟桔梗，欣赏佢啲出品水准稳定，质素有保证。平日晚上嚟到，好彩唔使排队。见好多台都系食紧寿喜烧，我哋上次嚟都食过都得唔错，今次就转吓口味，点咗两set定食。桔梗combo　$158有齐晒日本A4黑毛和牛肉燥饭同日本A4黑毛和牛三文治出面食黑毛和牛三文治好贵，桔梗呢set真系好抵食！多士非常香脆，和牛口感软嫩、牛味浓郁，两者夹埋一齐食，无论口感定味道都好丰富好好食黑毛和牛肉燥饭嘅肉燥系大大粒嘅和牛肉，又腍又入味，个汁甜甜地咁，送饭一流～嫩煎鲑鱼定食　$128个三文鱼煎得啱啱好，鱼皮超脆，鱼肉嫩滑，唔会过熟。条鱼本身已经落咗啲盐嚟煎，再吱啲柠檬汁同点啲萝卜蓉，简简单单嘅调味已经好好食。定食跟嘅配菜同头先个和牛set一样，特别钟意个溏心蛋同香菇！溏心蛋嘅流心效果好正，好香蛋味；香菇腌到甜甜地咁好好食，佢呢度嘅定食set跟嘅配菜真系好多，所以每一啖饭都会有𩠌配埋一齐食日日燕麦奶摇（芒果）　$58由芒果、乳酪同燕麦奶混合而成，燕麦奶有益健康又低卡，超香浓嘅乳酪同芒果非常之夹，酸酸甜甜，美味清新