Hands-On Coffee (已結業)

唔讲唔知原来旺角中国移动上面系有餐厅 仲要系一间几精致嘅Cafe午市套餐价钱相当经济 店员服务态度好好 呢个肉丸法包就系其中一个午市套餐 男仔就未必够食 肉丸其实本身OK嘅 但系个番茄汁太酸 有少少影响咗个味道 法包热辣辣非常新鲜我哋嗌左另一个套餐肉丸阔条面呢个肉丸嘅味道冇咗番茄汁就更加突出 好味好多 好可惜个阔条面嘅味又比较淡 同埋质地似系蛋面 或者自家制嘅面条 唔系一般意粉𠮶啲比较弹牙嘅质地 相反散叫嘅蜜饯鸭胸 非常好食 鸭胸煎得啱啱好 皮有少少脆 甜度适中 店员仲好贴心咁问使唔使切埋 非常加分 至于咖啡 我饮嘅系 americano 味道带甘 几好味 系一个旺角饮咖啡嘅好选择😍