醋頭家 (已結業)

最近，铜锣湾变成左台式饮品舖嘅战埸，就喺一条短短嘅渣甸街，短时间内已经开左3间台式饮品舖，而呢3间铺都系以珍珠奶茶或者珍珠奶做主打，真系有少少闷。就喺今日食完Lunch经过渣甸街时，发现一间用红纸封住店名，以醋为主打嘅饮品舖，出于好奇 ，就喺店前研究一下Menu，店员就好热情咁为我哋递上一小杯青梅醋茶比我地试饮，饮落好又几好味，望望Menu，竟然有我最爱嘅蜜桃，于是即刻科金买左杯蜜桃酵醋鲜茶，原来茶底都有好多种拣，喺我一片迷惘之际，多得店员指点蜜桃同乌龙茶最夹，于是我就拣左乌龙茶底。好快就已经有得拎，影左1张相，摇几摇，就急不及待试味，醋味超出超浓，以蜜桃配醋，酸中带微甜，完全唔呛喉，恰到好处。而乌龙茶底，真心超惊喜，茶味浓郁，回甘超重。成杯野饮醋、茶同蜜桃比例刚刚好，真系估唔到醋同茶系咁夹，超正，超好味! 一定会再帮衬!